Sri Lankan Cases
MC22587
චෝදනා අපරාධ නඩු විධාන සංග්‍රහයේ 81 වැනි වගන්තිය සහ සාමය කඩාකප්පල් කිරීම සම්බන්ධයෙන් වේ. පොලිස් වාර්තා මහේස්ත්‍රාත්වරයා වෙත ඉදිරිපත් කිරීම හා අදාළ ඇප ලබා ගැනීම සඳහා නඩුව කැඳවනු ලැබිණි.
MC22587
2019 පෙබරවාරි 24 වැනි දින, පෙරවරු 09.15 ට පමණ, දේවගැතිවරිය ඇතුළු පිරිස ඉරිදා නමස්කාරයට සූදානම් වෙමින් සිටියදී, බෞද්ධ භික්ෂූන් වහන්සේලා 04 නමක් ප්‍රමුඛ 200ක පමණ පිරිසක් බලහත්කාරයෙන් දේවස්ථාන භූමියට ඇතුළු වී, ඇයගේ නමස්කාර කටයුතු වහාම නවත්වන ලෙස දේවගැතිවරියට බල කළහ. ඔවුන් අසභ්‍ය වචනවලින් සභාවට තර්ජනය කර, පුටු කඩා, සෙවිලි තහඩුවලට හානි කළහ. බෞද්ධ භික්ෂූන් වහන්සේ නමක් කිතුනුවන්ට ඔවුන්ගේ නමස්කාර කටයුතු නතර කිරීම ප්‍රතික්ෂේප කළහොත් මරා දමන බවට තර්ජනය කළේය. ඔවුන් පිටත්ව යන විට, මැර කල්ලියේ සමහර සාමාජිකයින් දායිකාවක් අල්ලාගෙන, ඇයව පාරට ඇදගෙන ගොස්, භික්ෂූන් වහන්සේලාගේ පාමුල විසි කර, ඇයට පහර දීමට පටන් ගත්හ. ඉන් පසුව ඔවුන් ඉක්මනින්ම විසිර ගියහ. තවත් දායකයෙක් පොලිස් හදිසි ඇමතුම් අංකයට කතා කළ අතර මීගලෑව පොලිස් ස්ථානයේ පොලිස් නිලධාරීන් 05 දෙනෙකු පෙරවරු 10 ට පමණ පැමිණ දේවගැතිවරියගේ ප්‍රකාශය ලබා ගත්හ. පසුව ඔවුන් දේවගැතිවරිය, ඇගේ සැමියා සහ පහරකෑමට ලක්වූ දායිකාව පොලිස් ස්ථානය වෙත කැඳවාගෙන ගියහ. දේවගැතිවරිය සාමය කඩ කරන බව පවසමින් බෞද්ධ භික්ෂූන් වහන්සේ කිතුනු බැතිමතුන්ට පෙර මීගලෑව පොලිස් ස්ථානයට පැමිණ පැමිණිල්ලක් කර ඇත. පසුව දේවගැතිවරිය සිද්ධිය සම්බන්ධයෙන් ඇයගේම පැමිණිල්ලක් ගොනු කළාය. (සීඅයිබී (1) 107/282).
2019 පෙබරවාරි 25 වැනි දින පෙරවරු 11 ට පමණ දේවගැතිවරයා, ඇයගේ සැමියා සහ තවත් දායකයෙක් බෞද්ධ භික්ෂූන් වහන්සේලා විසින් ගොනු කරන ලද පැමිණිල්ලෙහි විභාගයක් සඳහා මීගලෑව පොලිස් ස්ථානයට පැමිණියහ. එම විභාගයට භික්ෂූන් වහන්සේලා 02 නමක් සහ ගම්වාසීන් 10ක් පමණ පැමිණ සිටියහ: කෙසේ වෙතත්, පුද්ගලයන් 300 ක් පමණ පොලිස් ස්ථානයෙන් පිටත රැස්ව සිටියහ. භික්ෂූන් වහන්සේ දේවගැතිවරියගෙන් ඉල්ලා සිටියේ ඇයගේ නමස්කාර කටයුතු නතර කර පුද්ගලිකව වන්දනාමාන කටයුතුවල පමණක් නිරත වන ලෙසයි. ගම්වාසීහු මේ ඉල්ලීම යළිත් ප්‍රකාශ කළහ. පොලිස් ස්ථානාධිපතිවරයා භික්ෂූන් වහන්සේලාගේ ඉල්ලීම්වලට එකඟ වන ලෙස දේවගැතිවරියට පැවසූ අතර පොලිසිය ඇයට තවදුරටත් ආරක්ෂාව ලබා නොදෙන බව කියා සිටියේය. එවිට ස්ථානාධිපතිවරයා පාර්ශවයන් අතර ප්‍රශ්නය සමථයකට පත් කිරීමට උත්සාහ කළ මුත්;, දේවගැතිවරිය මෙම කාරණය අධිකරණයට යොමු කළ යුතු බව අවධාරණය කළේය. (නඩු අංක 22587). පහරකෑමට ලක්වූ දායිකාව වෙනම පැමිණිල්ලක් ගොනු කළාය. ඇය මීගලෑව රෝහලට ඇතුළත් කිරීමෙන් අනතුරුව දින 02කට අනුරාධපුර ශික්ෂණ රෝහලට මාරුකර යවනු ලැබිණි. ඇය වෙනුවෙන් ගල්ගමුව මහේස්ත‍්‍රාත් අධිකරණයේ බී 211 දරණ නඩුවක් පැවරුණි.
MinorMatters is a public movement dedicated to fostering religious harmony and protecting the freedom of religion or belief in Sri Lanka. We seek to support and empower efforts to advance reconciliation, counter religious extremism and promote national coexistence.
