Facts of the case

මහනුවර උසස් බාලිකා විද්‍යාලයේ විදුහල්පති විසින් තම දියණිය පාසලේ 01 ශ්‍රේණියට ඇතුළත් කර ගැනීම ප්‍රතික්ෂේප කිරීමෙන් සමානාත්මතාවය සඳහා වූ තම මූලික අයිතිය උල්ලංඝණය කර ඇති බවට පෙත්සම්කාරිය පැමිණිලි කරන ලදී. 2018 වර්ෂය සඳහා රජයේ පාසල්වල පළමු ශ්‍රේණිය සඳහා ළමුන් ඇතුළත් කර ගැනීම සම්බන්ධයෙන් අධ්‍යාපන අමාත්‍යාංශය විසින් නිකුත් කර ඇති නිර්දේශයන්හි 3.2 වගන්තියට අනුව විවිධ ආගම්වලට අනුව දරුවන් බඳවා ගැනීමේ ප්‍රතිශතය පිළිබඳව නිසි සැලකිල්ලක් දැක්විය යුතු බවට සඳහන් වන වගන්තියට අනුකූලව ක්‍රියා කිරීම වගඋත්තරකරු අපොහොසත් වි ඇති බවට පැමිණිලිකාරිය විසින් වැඩිදුරටත් කියා සිටින ලදී.

Findings related to FoRB

ආගමික සහ විශ්වාසයේ අයිතිය උල්ලංඝනය කිරීම : හෘදසාක්ෂිය (එනම් තමන් කැමති ආගමක් ඇදහීම හෝ පිළිගැනීම); වෙනස්කොට සැළකීම

Holding/Decision

• ‘පාසලට ඇතුළත් කර ගැනීමේ සුදුසුකම් සඳහා එකම නිර්ණායකය ආගම විය යුතුව තිබුනේ නම්, චක්‍රලේඛණය තුළ එය වෙනම කාණ්ඩයක් බවට පත් කළ හැකිව තිබුණි. එය එසේ නොවන බැවින් ඉන් අදහස් වනුයේ,  ආගම සැලකිය යුත්තේ අනෙකුත් පුළුල් සුදුසුකම් නිර්ණායකයන්හි රාමුව තුළ බවයි. ආගමික කෝටාව සලකා බැලිය යුතු විශේෂ සාධකයක් වන නමුත්  එය පාසලට ඇතුළත් කරගැනීමේ වෙනම ස්ථරයක් නොවේ. එමඟින් වෙනත් ආකාරයකින් නුසුදුසු අයදුම්කරුවෙකු සුදුසුකම් ලත් අයෙකු බවට පත් නොකරයි. වෙනත් කාණ්ඩවලට සුදුසුකම් ලත් අපේක්ෂකයින් බඳවා ගැනීමට පහසුකම් සැලසීම සඳහා වෙනත් වර්ග අතරට ආගමකට බෙදා ඇති ඉතිරි ස්ථාන සමානුපාතිකව බෙදීමට හේතුව මෙයයි.’

 

• ‘මෙම නඩුවට අදාළව, පාසල රජයට පවරා දෙන අවස්ථාවේ පැවති විවිධ නිකායන්ට අයත් ළමුන්ගේ අනුපාතය මත පදනම්ව පාසල ඔවුන්ගේ ඇතුළත් කිරීමේ ක්‍රියාවලිය සිදු කර ඇත… එම නිර්ණායකය අනුගමනය කිරීම සම්බන්ධයෙන් අධිකරණයට අවශ්‍යයෙන්ම ඔවුන්ට දොස් පැවරිය නොහැක. එනම්, එය ව්‍යවස්ථාපිත අවශ්‍යතාවලට පටහැනි නොවන හෙයිනි.’

• අධිකරණය ප්‍රකාශ කරන ලද්දේ, පෙත්සම්කරුගේ දියණිය ඇතුළත් කර ගැනීම ප්‍රතික්ෂේප කළ විට වගඋත්තරකරුවන් ද්‍රෝහී වෙනස් කොට සැලකීමේ අරමුණකින් ක්‍රියා කළ බවට නිගමනය කළ නොහැකි බවයි. රෝමානු කතෝලික නොවන කාණ්ඩයේ සමාන තත්වයන් ඇති සෑම අපේක්ෂකයෙකුටම සමාන ආකාරයකින් සලකනු ලබන බවයි.