Sri Lankan Cases
කරුවලගස්වැව විදානේලාගේ ස්වර්ණා මංජුල සහ තවත් අය එදිරිව සී.අයි.වී.පී.ජේ පුෂ්පකුමාර සහ තවත් අය
සඳහන් කර ඇති වෙනත් නඩු
1.ජිෆ්රි එදිරිව නිමලසිරි
7.ඩම්බල් එදිරිව රොබට්ස්
පාර්ශවයන් වෙනුවෙන් පෙනී සිටි නීතිඥවරුන්
ජී.එස්.තවරාසා මෙනවියගේ උපදෙස් මත පෙත්සම්කරුවන් වෙනුවෙන් නීතිඥ ආර්.ඩී.ද සිල්වා සමඟ ජනාධිපති නීතිඥ සාලිය පීරිස් මහතා
නියොජ්‍ය සොලිසිටර් ජෙනරාල් වරුණිකා හෙට්ටිගේ මහත්මිය වගඋත්තරකරුවන් වෙනුවෙන්
මුලික අයිතිවාසිකම් පෙත්සම සඳහා අවසර ලබා දෙන ලදී
S.C.F.R. No. 241/14
පෙත්සම්කරුවන් දෙදෙනා (දෙදෙනාම යෙහෝවාගේ සාක්ෂිකරුවන්) කැකිරාවේ ඔවුන්ගේ මිෂනාරි සේවයේ කොටසක් ලෙස කාන්තාවකගේ නිවසකට ඇතුළු වී ආගමික තොරතුරු බෙදා හරින ලදී. ඉන් අනතුරුව, බෞද්ධ භික්ෂූන් වහන්සේලා සහ අනෙකුත් ගම්වාසීන් විසින් බලහත්කාරයෙන් පුද්ගලයන් ආගමට බඳවා ගැනීමට උත්සාහ කළ බවට පෙත්සම්කරුවන් හට චෝදනා එල්ල විය. පෙත්සම්කරුවන් කැකිරාව පොලිස් ස්ථානයට රැගෙන ගොස් භික්ෂූන් වහන්සේලා දෙනම සහ 1 වැනි වගඋත්තරකරු වන පොලිස් ස්ථානාධිපතිවරයා විසින් බැණ වැදී ඇත. සාපරාධී බිය ගැන්වීම් සහ සාපරාධී අනවසරයෙන් ඇතුළුවීම සම්බන්ධයෙන් සැකපිට ඔවුන් අත්අඩංගුවට ගෙන ඇත. පෙත්සම්කරුවන් එක රැයක් අත්අඩංගුවේ තබා ගන්නා ලදී. විමර්ශන අවසන් වීමෙන් පසුව, පෙත්සම්කරුවන්ට එරෙහිව කිසිදු නඩුවක් ගෙන ගියේ නැත.
ආගමික සහ විශ්වාසයේ අයිතිය උල්ලංඝනය කිරීම : ප්‍රකාශනය: වන්දනා කිරීම, පරිචයන්, පිළිපැදීම, ඉගැන්වීම; වෙනස්කොට සැළකීම
(1) 1 වැනි වගඋත්තරකරු විසින් 2014 මාර්තු 01 වැනි දින පෙත්සම්කරුවන් අත්අඩංගුවට ගැනීම නීති විරෝධී වන අතර 1 වැනි වගඋත්තරකරු විසින් ආණ්ඩුක්‍රම ව්‍යවස්ථාවේ 13 (1) ව්‍යවස්ථාවෙන් සහතික කර ඇති පෙත්සම්කරුවන්ගේ මූලික අයිතිවාසිකම් උල්ලංඝනය කර ඇත.
(2) 1 වැනි වගඋත්තරකරු සහ ඔහුගේ මඟපෙන්වීම් යටතේ සහ ඔහුගේ අධිකාරිය යටතේ ක්‍රියා කරන නිලධාරීන් ප්‍රකාශිත ලෙස අසාධාරණ, අත්තනෝමතික සහ නීති විරෝධී ලෙස ක්‍රියා කර ඇති බව අධිකරණය තීන්දු කළේය. 1 වන වගඋත්තරකරුගේ ක්‍රියා සහ නොකර හැරීම්
මගින් පෙත්සම්කරුවන්ට නීතියේ සමාන ආරක්ෂාව ලැබිමෙහිලා වන 12(1) ව්‍යවස්ථාව මගින් සහතික කර ඇති මූලික අයිතිවාසිකම ප්‍රතික්ෂේප කර ඇත. ඒ අනුව, පළමු වගඋත්තරකරු 12(1) ව්‍යවස්ථාව මගින් සහතික කර ඇති පෙත්සම්කරුවන්ගේ මූලික අයිතිවාසිකම් කඩ කර ඇති බව අධිකරණය තීන්දු කළේය.
(3) පෙත්සම්කරුවන් විසින් කරන ලද සාකච්ඡාව, ආණ්ඩුක්‍රම ව්‍යවස්ථාවේ 14(1)(ඉ) වැනි ව්‍යවස්ථාවේ අර්ථය තුළ සහ සන්දර්භය තුළ වන, “ප්‍රකාශනය: වන්දනා කිරීම, පරිචයන්, පිළිපැදීම, ඉගැන්වීම” තුළින් තම ආගම බලෙන් කාවැද්දීමට පෙත්සම්කරුවන් කටයුතු කරන ලද අවස්ථාවක් ලෙස නිසි ලෙස සැලකිය නොහැකි බව අධිකරණය තීරණය කළේය. එහි ප්‍රතිඵලයක් වශයෙන්, 1 වන වගඋත්තරකරු සහ ඔහුගේ උපදෙස් මත සහ ඔහුගේ අධිකාරී බලය ඇතිව ක්‍රියා කරන පොලිස් නිලධාරීන් විසින් එම සාකච්ඡාව දිගටම කරගෙන යාම වැලැක්වීම, ආණ්ඩුක්‍රම ව්‍යවස්ථාවේ 14(1)(ඉ) වගන්තියෙන් සහතික කර ඇති පෙත්සම්කරුවන්ගේ මූලික අයිතිවාසිකම් උල්ලංඝනය කිරීමක් නොවන බවත්ය.
(4) මේ රටේ පුරවැසියන්ට තම ආගම හෝ විශ්වාසයන් ‘ප්‍රචාරණය කිරීමට’ ව්‍යවස්ථාපිතව ආරක්‍ෂිත නිදහසක් නොමැති බව අධිකරණය ප්‍රකාශ කළේය. ශ්‍රේෂ්ඨාධිකරණ තීරණය අංක 2/2001 සහ ශ්‍රේෂ්ඨාධිකරණ තීරණය අංක 19/2003 හි මෙම අධිකරණය විසින් ආගම හෝ විශ්වාසයන් ප්‍රචාරය කිරීමට ව්‍යවස්ථාපිතව ආරක්‍ෂිත අයිතියක් නොමැති බවට පිළිගෙන ඇත.
MinorMatters is a public movement dedicated to fostering religious harmony and protecting the freedom of religion or belief in Sri Lanka. We seek to support and empower efforts to advance reconciliation, counter religious extremism and promote national coexistence.
