Facts of the case

සංක්‍රාන්ති ලිංගික කාන්තාවක් ඩෙන්මාර්කයේ සිට මැලේසියාවට පිටුවහල් කිරීම.

ඇය ඉස්ලාම් ආගමෙන් හින්දු ආගමට පරිවර්තනය වීම සඳහා  මැලේසියාවේ ෂරියා නීතියෙන් අවසර නොමැති නිසා ඇය නැවත මැලේසියාවට පැමිණීමෙන් පසු සිරගත වීමේ අවදානමක් ඇති බැවින්, පැමිණිලිකාරිය විසින් සම්මුතියේ 18 (1) වගන්තිය සමඟ කියවිය යුතු 7 වන වගන්තිය උල්ලංඝනය කිරීමක් දක්වා සිටියි

Findings related to FoRB

ෂරියා නීතිය ක්‍රියාත්මක වීම සහ පැමිණිලිකාරියගේ හින්දු ආගමට පරිවර්තනය වීමේ අභිප්‍රාය අතර හිංසාව සනාථ කිරීමෙහිලා කිසිදු සම්බන්ධයක් හමු නොවීය. කතුවරයා හින්දු ආගමට ‘විධිමත් ලෙස’ පරිවර්තනය වී නොමැති බවත් එවැනි පරිවර්තනයක් සනාථ කිරීමට සැලකිය යුතු සාක්ෂි ඉදිරිපත් නොකළ බවත් කමිටුව විසින් අවධාරණය කළ බව සැලකිල්ලට ගත යුතුය.

Holding/Decision

කමිටුව විසින් නිරීක්ෂණය කරන ලද්දේ, පැමිණිලිකාරිය ඩෙන්මාර්ක බලධාරීන්ට දන්වා සිටියේ, ඇය හින්දු ආගමට විධිමත් ලෙස පරිවර්තනය වි නොමැති බව යන්න රාජ්‍ය පාර්ශවය ඉදිරිපත් කළ බවයි. එසේම ඇය විසින් කියනු ලබන ආගමික පරිවර්තනය පිළිබඳව හෝ එම පරිවර්තනයෙන් වූ ප්‍රතිවිපාක පිළිබඳ කිසිදු විස්තරයක් පැමිණිලිකාරිය කමිටුවට සපයා නැත. මෙලකාහි ෂරියා අධිකරණය හමුවේ ඇයට එරෙහිව චෝදනාවට ලක් වූ නඩුව ඇය හින්දු ආගමට පරිවර්තනය වීම සම්බන්ධව වන බව හෝ එකී ඇයගේ පරිවර්තනයේ ප්‍රතිඵලයක් ලෙස වෙනත් ආකාරයකින් තාඩන පීඩනවලට ලක්ව ඇති බවට ඇය ප්‍රකාශ කර නැත, නැතහොත් ඇය ආපසු යන්නේ නම් විදීමට වන පීඩා අවදානම සහ ස්වභාවය පිළිබඳව ඇය කිසිදු විස්තරයක් ඉදිරිපත් කර නැත.

ඒ අනුව, මෙම ප්‍රකාශය ප්‍රමාණවත් ලෙස සනාථ නොවන බවත්, එබැවින් අතිරේක ප්‍රොටෝකෝලයේ 2 වැනි වගන්තියට අනුව පිළිගත නොහැකි බවත් කමිටුව නිගමනය කරන ලදී.