Facts of the case

වගඋත්තරකාර පාසලේ සහකාර ගුරුවරුන් ලෙස සේවය කළ පැමිණිලිකරුවන් කියා සිටියේ, තමන්ට අබාය ඇඳීම පාසලේ කළමනාකාරීත්ව කමිටුව විසින් තහනම් කර ඇති බවයි.

Findings related to FoRB

ආගමික සහ විශ්වාසයේ අයිතිය උල්ලංඝනය කිරීම : ප්‍රකාශනය: වන්දනා කිරීම, පරිචයන්, පිළිපැදීම, ඉගැන්වීම; වෙනස්කොට සැළකීම

Holding/Decision

(1) 10 වැනි ව්‍යවස්ථාව මගින් ආරක්ෂා කර ඇති අයිතිය තුළ තමා කැමති ආගමක් හෝ විශ්වාසයකට අනුගත වීමට හෝ අනුගමනය කිරීමට නිදහස සඳහා නිශ්චිත කාල සීමාවක් නියම නොකරයි. එහෙයින්, පැමිණිලිකරුට තම ආගමික විශ්වාසය ප්‍රකාශ කිරීමේ ආකාරයක් ලෙස අබාය ඇඳීමට ඇති අයිතිය පැමිණිලිකරු කලක් පාසලට සාරියක් ඇඳ පැමිණි පමණින් සීමා කළ නොහැක.

(2) සෑම සිසුවෙකුටම ඔහුගේ/ඇයගේ විශ්වාසයට අනුව අනුගමනය කිරීමට නිදහස ඇති ආගමික විෂය හැර අනෙකුත් සියළු රාජ්‍ය විෂය මාලාව සැමටම පොදු වේ. වගඋත්තරකාර පාසල හින්දු සම්ප්‍රදායන් සහ සංස්කෘතිය අනුගමනය කරන නමුත් අබාය පැළඳ සිටින ගුරුවරුන් විසින් හින්දු සම්ප්‍රදායන් ප්‍රගුණ කිරීමට සිසුන්ට ඇති අයිතියට හෝ හැකියාවට කිසිදු හරයාත්මක ආකාරයකින් බාධා නොකරන බව කොමිසම අවධාරණය කරන ලදී.

(3) ‘…පැමිණිලිකරුවන්ට ඔවුන්ගේ සම්ප්‍රදායික ඇඳුම ඇඳීමට ඇති අයිතිය ප්‍රතික්ෂේප කිරීම මෙන්ම ආගම පදනම් කොටගෙන අන්තනෝමතික ලෙස පැමිණිලිකරුවන් සේවයේ මාරුකිරීම් සිදු කරන ලදී. එබැවින්, ආණ්ඩුක්‍රම ව්‍යවස්ථාවේ 12 (1) සහ 12 (2) ව්‍යවස්ථාවලට අනුව පැමිණිලිකරුවන්ට හිමිවන අයිතිවාසිකම් උල්ලංඝනය වී ඇත.

(4) ප්‍රජාව තුළ වාර්ගික හා ආගමික නොඉවසීම සහ වෛරය ඇති කිරීම සඳහා භාවිතා කර ඇති මෙම නඩුව සම්බන්ධයෙන් සත්‍ය වශයෙන්ම වැරදි තොරතුරු බෙදා හැරීම සඳහා සමාජ මාධ්‍ය වගකීම් විරහිත ආකාරයෙන් භාවිතා කර ඇති බව කොමිසම අවධාරණය කරන ලදී.

(5) ආණ්ඩුක්‍රම ව්‍යවස්ථාවේ 10,12 (1) සහ (2) සහ 14 (1) (ඉ) ව්‍යවස්ථා යටතේ පැමිණිලිකරුවන්ගේ අයිතිවාසිකම් වගඋත්තරකරුවන් විසින් උල්ලංඝනය කර ඇති බව කොමිසම තවදුරටත් තහවුරු කරන ලදී.

කොමිෂන් සභාව වගඋත්තරකාර පාසලට නියෝග කරන ලද්දේ, පැමිණිලිකරුවන්ට තමන් කැමති ඇඳුමක් වන අබාය තමන්ට පවරා ඇති පාසලේ රාජකාරි කිරීමට හැකි වන පරිදි ඇඳිය හැකි බව සහතික කරන ලෙසයි.