සඳහන් කර ඇති වෙනත් නඩු
පාර්ශවයන් වෙනුවෙන් පෙනී සිටි නීතිඥවරුන්
විශ්ව ද ලිවේරා තෙන්නකෝන් මහතාගේ උපදෙස් පරිදි පෙත්සම්කරුවන් වෙනුවෙන් ජනාධිපති නීතිඥ ජේ.සී වැලිඅමුණ, නීතිඥ පුලස්ති හේවන්න සහ නීතිඥ තිෂ්ය වේරගොඩ
වගඋත්තරකරුවන් වෙනුවෙන් නියෝජ්ය සොලිසිටර් ජෙනරාල් අධි නීතිඥ පාරින්ද රණසිංහ මහතා සමඟ අධි නීතිඥ ලක්මාලි කරුණානායක සමඟ
මුලික අයිතිවාසිකම් පෙත්සම සඳහා අවසර ලබා දෙන ලදී
SCFR 136/2014
පෙත්සම්කාරිය නෙළුම් මලක් මත වැඩ සිටින බුදුරජාණන් වහන්සේගේ රුව සහිත වූ පච්චයක් ඇගේ දකුණු අතේ ඉහළ බාහුවේ කොටා තිබුණි. 2014 අප්රේල් 21 වන දින ඇය ශ්රී ලංකාවට පැමිණි පසු, ඇයව ‘අත්තනෝමතික ලෙස අත්අඩංගුවට ගෙන, රඳවා තබා ගෙන’ ඇති අතර ඇය විසින් ‘අත්තනෝමතික, අතාර්කික, චපල සහ බලය අතික්රමණය කරමින්, පහත් කොට සැලකීම පිළිබඳව පැමිණිලි කරන ලදී’. වගඋත්තරකාර පොලිස් නිලධාරියා ප්රකාශ කළේ ‘ඒ අවට සිටි බොහෝ සිවිල් වැසියන්ද ( පෙත්සම්කරුගේ පච්චය ගැන) දැනුවත් වූ බවයි. එම ස්ථානයට රැස්ව සිටි ජනතාව කැළඹීමට හෝ වෙනත් ආකාරයකට කලබලයට පත් වී ඇති අතර, වගඋත්තරකරු ප්රකාශ කළේ ‘මහජනතාවගේ සාමයට බාධාවක් සිදු වීමට ඉතා ආසන්න යැයි තමාට වැටහුණු’ බවයි.
වෙනස්කොට සැළකීම : ආර්ථික, දේශපාලන, අපරාධ යුක්තිය
(1) ‘බී’ වාර්තාවේම පෙත්සම්කරුට එවැනි හැඟීම් උද්දීපනය කිරීමට අදහසක් නොතිබූ බව දක්වා ඇති බව ගරු අධිකරණය තීරණය කරන ලදී. දණ්ඩ නීති සංග්රහයේ 291 බී වගන්තියට අදාළ චෝදනාවක්, එනම් “ඕනෑම පන්තියකගේ ආගමට හෝ ආගමික විශ්වාසයන්ට අපහාස කරමින් ඔවුන්ගේ ආගමික හැඟීම් අවුස්සමින්” පවත්වාගෙන යා නොහැක. පොලිසිය විසින් සටහන් කර ඇති ප්රකාශවල එසේ පැවසීමට උත්සාහ කළද මහජන විරෝධයක් ඇති වීමට ඉඩ ඇති බවට පිළිගත හැකි සාක්ෂියක් මෙම අධිකරණය හමුවේ ඉදිරිපත් කර නොමැත. ඉහත සඳහන් කළ පරිදි 13(1) ව්යවස්ථාව උල්ලංඝණය කර තිබේද යන්න තීරණය කිරීමේදී අත්අඩංගුවට ගන්නා නිලධාරියාගේ සද්භාවී හෝ අසද්භාවීභාවයන් අදාළ නොවේ.